聽日六月九日，反逃犯條例遊行，希望大家會出嚟
呢一個眼罩，喺係2014年9月27日圍政總時侯拎。
當日係我生日，但我無去慶祝，而係同班朋友一齊去政總聲援學生。
我記得當我到步時侯唔係太知道現場狀況，突然間有個人拍一拍我膊頭，佢拎住呢個眼罩比我然後話：「拎住佢，你會有需要用到。」
由928事件直到雨傘完結，呢個眼罩保護咗我無數次，包括捱過催淚彈同胡椒噴霧。
所以雨傘完結，我都一直保留住呢個眼罩，一直保留咗五年。
呢五年入面，可以見到香港所謂嘅自由其實已經受到侵蝕到無可再侵蝕
言論權利? 參選權利? 出版自由? 司法權利? 新聞自由?
其實以上嘅嘢，大家都心知肚明，又或者大家早就已經麻木同習慣咗。
聽日遊行在即，難免有好多人對於"出" 定 "唔出" 都有唔同意見說法，好多人都有唔同嘅猜測，會唔會再爆發雨傘嘅規模呢? 亦都有人一如以往都會覺得同以往遊行一樣，行完叫完口號就算呢?
我覺得無論聽日過程、結果係點都好，其實唔洗諗得咁複雜，真係可以簡單啲，出嚟遊行表達自己訴求就可以。
千其唔好忽視自己個一點力量
多個人頭，塊地就自然多個人企
所以出嚟喇，聽日見。
Search